![Tank bölmələrində intensiv döyüş hazırlığı məşğələləri keçirilir – VİDEO Tank bölmələrində intensiv döyüş hazırlığı məşğələləri keçirilir – VİDEO](https://poliqon.az/wp-content/uploads/2023/08/a0972741b5041da57d24f45616c8c5f3.jpg)
Tank bölmələrində intensiv döyüş hazırlığı məşğələləri keçirilir – VİDEO
2023-cü ilin hazırlıq planına uyğun olaraq Azərbaycan Ordusunun tank bölmələrində döyüş hazırlığı üzrə məşğələlər keçirilir.
Müdafiə Nazirliyinin mətbuat xidmətindən “Poliqon”a verilən məlumata görə, məşğələlərə başlamazdan əvvəl heyət üzvlərinə təhlükəsizlik qaydaları çatdırılıb.
Ərazinin maketi üzərində qəbul edilən qərarlara dair məruzələr dinlənilib. Sonra müdafiədə tank taqımının atəşinin idarə olunması, həmçinin şərti düşmən üzərinə dərinlikdən irəliləməklə hücum üzrə tapşırıqlar yerinə yetirilib.
Azərbaycan Ordusunun tankçıları döyüş maşınlarının idarə olunması zamanı ərazidə təbii və süni maneələri dəf edərək qarşıya qoyulan tapşırıqları müvəffəqiyyətlə yerinə yetiriblər.
Hərbi qulluqçuların bilik və bacarıqlarının artırılması, eləcə də döyüş vərdişlərinin təkmilləşdirilməsi məqsədilə keçirilən tədbirlər davam edir.