Böyük Britaniya ABŞ-dan çox sayda JAGM raketi almaq istəyir
ABŞ hökuməti Böyük Britaniyaya 957.4 milyon dollar dəyərində JAGM (Joint Air-to-Ground Missiles) raketlərinin satışını təsdiqləyib.
Bu barədə “Poliqon” ABŞ-ın Müdafiə Təhlükəsizliyi Əməkdaşlıq Agentliyinə (DSCA) istinadən xəbər verib.
Bildirilib ki, sifarişə 3000 ədəd AGM-179A JAGM raketinin satın alınması, eləcə də onlara təmir, texniki xidmət, ehtiyyat hissə və logistika dəstəyinin göstərilməsi daxildir.
Sözügedən sifariş ilə bağlı baş podratçı rolunda ABŞ-ın “Lockheed Martin” şirkəti çıxış edəcək.