İtaliya “hava-hava” tipli raket ehtiyatını artırır

ABŞ Dövlət Departamenti 90.6 milyon dollar dəyərindəki AIM-9X “Sidewinder” Block II raketlərinin İtaliyaya satışını təsdiq edib.

“Poliqon” xəbər verir ki, bu barədə ABŞ-ın Müdafiə Təhlükəsizliyi Əməkdaşlıq Agentliyi (DSCA) məlumat yayıb.

Bildirilib ki, sifarişə 28 ədəd “hava-hava” tipli AIM-9X “Sidewinder” Block II raketinin və digər lazımi avadanlıqların satın alınması, eləcə də onlara təmir, texniki xidmət və logistika dəstəyinin göstərilməsi daxildir.

Sifarişin əsas podratçısı rolunda ABŞ-ın “RTX Corporation” şirkəti çıxış edəcək.

Qeyd edilib ki, AIM-9X raketləri İtaliya Silahlı Qüvvələrinin F-35 döyüş təyyarələri tərəfindən istifadə olunacaq.