Azad olunan ərazilərdə 207 mina və 10040 PHS aşkarlanıb

Azərbaycan Minatəmizləmə Agentliyi (ANAMA) tərəfindən işğaldan azad olunmuş ərazilərin mina və partlamamış hərbi sursatlardan (PHS) təmizlənməsi əməliyyatları davam etdirilir.

ANAMA-dan “Poliqon”a verilən məlumata görə, təmizləmə əməliyyatları Kəlbəcər, Tərtər, Ağdərə, Ağdam, Xocalı, Xankəndi,  Xocavənd, Füzuli, Zəngilan, Qubadlı, Cəbrayıl, Laçın və Şuşa ərazisində aparılıb.

2024-cü il avqustun 5-dən 11-nə qədər aparılan minatəmizləmə əməliyyatları zamanı 1224.3 ha ərazi yoxlanılıb, 163 ədəd piyada əleyhinə mina, 44 ədəd tank əleyhinə mina və 10040 ədəd PHS aşkar olunaraq zərərsizləşdirilib.