
Azərbaycan hərbçiləri Çində keçirilən kursu müvəffəqiyyətlə bitirib
Çinin Nankin şəhərində yerləşən Çin Xalq Azadlıq Ordusunun Quru Qoşunları Akademiyasının “Qərargah Zabiti Kursu”nun növbəti buraxılış mərasimi keçirilib.
Müdafiə Nazirliyindən “Poliqon”a verilən məlumata görə, Azərbaycan Ordusunun 2 zabiti akademiyanı müvəffəqiyyətlə başa vuraraq qırmızı diploma, sertifikata və döş nişanına layiq görülüblər.
Qeyd edək ki, “Qərargah Zabiti Kursu”nda 21 ölkədən 47 xarici hərbi qulluqçu təhsil alıb.