Azərbaycan Pakistandan JF-17 döyüş təyyarələri ala bilər

Azərbaycan 10 ildən artıqdır ki, Pakistandan JF-17 “Thunder” döyüş təyyarələrini almaqda maraqlıdır.

“Poliqon”un məlumatına görə, bu barədə Azərbaycanın Pakistandakı Səfirliyinin hərbi attaşesi polkovnik Mehman Novruzov yerli mətbuata açıqlamasında bildirib.

Mehman Novruzov qeyd edib ki, Azərbaycan Pakistandan JF-17 “Thunder” təyyarəsinin “Block 3” modifikasiyasını almaq niyyətindədir.

Polkovnik onu da əlavə edib ki, Azərbaycan Pakistanla birgə ölkənin hərbi hava qüvvələrinin aviasiya arsenalını təkmilləşdirmək üzərində çalışır.

“Block 3” modifikasiyalı JF-17 “Thunder” təyyarələrinin əvvəlki variantları ilə müqayisədə kokpit elektronikası və radar sistemləri təkmilləşdirilib.

Rizvan Fikrətoğlu

Poliqon.az