![Baş Prokurorluq: DSX-nin helikopterinin qəzaya düşməsi ilə bağlı cinayət işi açılıb Baş Prokurorluq: DSX-nin helikopterinin qəzaya düşməsi ilə bağlı cinayət işi açılıb](https://poliqon.az/wp-content/uploads/2020/07/prokurorluq.jpg)
Baş Prokurorluq: DSX-nin helikopterinin qəzaya düşməsi ilə bağlı cinayət işi açılıb
Dövlət Sərhəd Xidmətinin (DSX) hərbi helikopterinin qəzaya düşməsi ilə bağlı cinayət işi açılıb.
Bu barədə “Poliqon”a Baş Prokurorluğun mətbuat xidmətindən məlumat verilib.
Bildirilib ki, hadisə nəticəsində 14 nəfər həlak olub, 2 nəfər xəsarət alıb. Baş Prokurorluğun rəhbərliyinin iştirakı ilə hadisə yerinə baxış keçirilib.
Faktla bağlı Baş Prokurorluğun İstintaq idarəsində Cinayət Məcəlləsinin 352.2 (uçuş və ya uçuşa hazırlıq qaydalarını pozma ehtiyatsızlıqdan iki və ya daha çox şəxsin ölümünə səbəb olduqda) və digər maddələri ilə cinayət işi başlanıb, cinayət işinin istintaqı Baş Prokuror tərəfindən xüsusi nəzarətə götürülüb.
Hazırda hadisə yerində olan prokurorluq əməkdaşları tərəfindən intensiv istintaq hərəkətləri həyata keçirilir.
CATEGORIES Xəbərlər