Bolqarıstan HHQ üçün istehsal edilən F-16 Block 70 ilk uçuşunu yerinə yetirib
ABŞ-ın “Lockheed Martin” şirkəti tərəfindən Bolqarıstan Hərbi Hava Qüvvələri (HHQ) üçün istehsal edilən F-16 Block 70 qırıcısı ilk uçuşunu yerinə yetirib.
“Poliqon” “Lockheed Martin”ə istinadən xəbər verir ki, sınaq uçuşu şirkətin Cənubi Karolina ştatında yerləşən istehsalat müəssisəsində baş tutub.
Bildirilib ki, bu, Bolqarıstan HHQ-yə təhvil veriləcək 16 ədəd F-16 Block 70 qırıcısından ilkidir.