Ciorcia Meloni müdafiə və təhlükəsizlik sahəsinin əhəmiyyətini vurğulayıb

Həlledici digər sahə müdafiə və təhlükəsizlik sahəsidir.

“Poliqon” xəbər verir ki, bu barədə İtaliya Nazirlər Şurasının sədri Ciorcia Meloni Azərbaycan Prezidenti İlham Əliyev ilə mətbuata bəyanatında bildirib.

“Bu sahədə, aerokosmik sənaye, dəniz təhlükəsizliyi, mühüm infrastrukturun mühafizəsi, üstün texnologiyalar kimi sahələrdə İtaliyanın ən kamil nəticələrini dəyərləndirərək əməkdaşlığı dərinləşdirmək istəyirik. Biz elə bir model təklif edirik ki, sənaye sistemləri arasında əməkdaşlıq nəticəsində biliklərlə mübadilə, birgə inkişaf, regional sabitliyə töhfə verə biləcək gələcək perspektivli sahələr və nəhayət, sənaye sistemlərimizi birləşdirən amillər olsun”, – deyə Ciorcia Meloni qedy edib.