Gürcüstan pilotsuz uçuş aparatlarının istehsalına başlayıb

Gürcüstan pilotsuz uçuş aparatlarının istehsalına başlayıb. “AzeriDefence”nin “Amerikanın Səsi” radiostansiyasına istinadən verdiyi məlumata görə, hazırda bununla bağlı Tiflis Aviasiya Zavodunda işlər aparılır.

Gürcü PUA-larının yerli mütəxəssislər tərəfindən yaradıldığı bildirilsə də onun texniki parametrləri açıqlanmayıb. Gürcüstan milli PUA-larının may ayının 26-da keçiriləcək hərbi paradda nümayiş etdirilməsi gözlənilir.

Qeyd edək ki, Gürcüstan indiyədək əsasən İsrail istehsalı olan PUA-lardan istifadə edib. Lakin Elbit Systems şirkəti ilə yaranmış problemlə əlaqədar rəsmi Tiflis 2007-ci ildə bu ölkədən alınmış PUA-ları geri qaytarıb.