İlk OA-1K “Skyraider II” təyyarəsi ABŞ HHQ-yə təhvil verilib

“L3Harris Technologies” və “Air Tractor” şirkətlərinin birgə inkişaf etdirdiyi ilk OA-1K “Skyraider II” təyyarəsi ABŞ Hərbi Hava Qüvvələrinin (HHQ) Xüsusi Əməliyyatlar Komandanlığına təhvil verilib.

“Poliqon” “L3Harris Technologies”ə istinadən xəbər verir ki, “Skyraider II” xüsusi əməliyyat heyətinin Milli Müdafiə Strategiyasının və birgə qüvvələrin ehtiyaclarını qarşılaya bilməsini təmin etməyə kömək edəcək.

Bildirilib ki, Xüsusi Əməliyyat Qüvvələri (Special Operations Forces – SOF) “Skyraider II” ilə müxtəlif missiyalarda yaxın hava dəstəyi, dəqiq zərbə, kəşfiyyat və müşahidə fəaliyyətlərini yerinə yetirəcək. “Skyraider II”nin dizaynı ona hamar olmayan və uzaq aerodromlarda da işləməyə imkan verir.