İran Xəzər donanması üçün 48 metrlik dənizaltı tikir

İran Ənzəli tərsanəsində Xəzərdəki donanması üçün Fateh sinfli dizel mühərrikli dənizaltı tikir. “AzeriDefence”nin xarici hərbi mediaya istinadən verdiyi məlumata görə, İran Shipbuilding & Offshore Industries Complex gəmiqayırma zavodu tərəfindən tikintisi aparılan bu dənizaltının İslam İnqilabı Keşikçiləri Korpusunun (SEPAH) Xəzərdəki bölmələrinin tərkibinə veriləcəyi gözlənilir.

Ənzəlidə inşa edilən dənizaltı Bəndər-Abbas tərsanəsində eyni layihə üzrə inşa edilən dənizaltından 8 metr daha uzun – 48 metr olacaq.