İsrail ABŞ-dan 5 milyard dollar dəyərində F-15 qırıcıları alır

İsrail Müdafiə Nazirliyi ABŞ-ın “Boeing” şirkətindən 25 ədəd yeni nəsil F-15IA döyüş təyyarəsi alır.

“Poliqon” İsrail Müdafiə Nazirliyinin mətbuat xidmətinə istinadən xəbər verir ki, bununla bağlı tərəflər arasında 5.2 milyard ABŞ dolları dəyərində müqavilə imzalanıb.

Qeyd olunub ki, F-15-lərin tədarükü 2031-ci ildə başlayacaq və ildə 4-6 ədəd qırıcı İsrail Hərbi Hava Qüvvələrinə təhvil veriləcək.