![“Javelin” TƏİR komplekslərinin növbəti partiyası Litvaya çatdırılıb “Javelin” TƏİR komplekslərinin növbəti partiyası Litvaya çatdırılıb](https://poliqon.az/wp-content/uploads/2024/07/KAM-nuotr-825x0-c-default.webp)
“Javelin” TƏİR komplekslərinin növbəti partiyası Litvaya çatdırılıb
ABŞ istehsalı “Javelin” tank əleyhinə idarə olunan raket (TƏİR) komplekslərinin növbəti partiyası Litvaya çatdırılıb.
“Poliqon” Litva Milli Müdafiə Nazirliyinin mətbuat xidmətinə istinadən xəbər verir ki, çatdırılan TƏİR komplekslərinin dəyəri 7 milyon ABŞ dolları təşkil edir.
“Javelin” TƏİR kompleksi ABŞ-ın “Raytheon” və “Lockheed Martin” şirkətləri tərəfindən istehsal olunan üçüncü nəsil daşınan tank əleyhinə raket kompleksidir. “Javelin” 1990-cı ildən ABŞ və bir sıra digər ölkələrin silahlanmasında olan “atdın və unutdun” prinsipi ilə işləyən komplekslər sinfinə aiddir.
FGM-148 “Javelin” TƏİR kompleksi raketi termal özütuşlama başlığına malikdir. Ona görə də raket kompleksinin operatoru buraxılışdan sonra hədəfə yaxınlaşma zamanı raketin uçuşunu izləmir və tənzimləmir.
- Litva Quru Qoşunlarının hərbi qulluqçusu FGM-148 “Javelin” TƏİRK-dən atəş açan zaman