Müdafiə Nazirliyi: Ermənilər təxribat məqsədilə mühəndis işləri görməyə cəhd göstəriblər

Avqustun 14-də saat 19:25 radələrində Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsi istiqamətində yerləşən atəş mövqelərinin dəstəyi ilə Azərbaycan Ordusunun Kəlbəcər rayonunun Mollabayramlı yaşayış məntəqəsi istiqamətində yerləşən mövqelərinin qarşısında təxribat məqsədilə mühəndis işləri görməyə cəhd göstəriblər.

Müdafiə Nazirliyinin mətbuat xidmətindən “Poliqon”a bildirilib ki, aparılan işlərin dərhal dayandırılması və atəş nöqtələrinin susdurulması məqsədilə Azərbaycan Ordusunun bölmələri tərəfindən təxirəsalınmaz tədbirlər görülüb.