Rusiya 45-dən çox ölkəyə helikopter tədarük edib
Rusiyanın “Rostex” Dövlət Korporasiyasının tərkibinə daxil olan “Rosoboroneksport” şirkəti 2001-ci ildən indiyə kimi 45-dən çox ölkəyə helikopter tədarük edib.
“Poliqon” xəbər verir ki, bu barədə “Rostex” Dövlət Korporasiyasının mətbuat xidməti məlumat yayıb.
Məlumatda həmin müddət ərzində sifarişçilərə ümumilikdə 1200 ədəddən artıq helikopterin təhvil verildiyi bildirilib.
Əlavə məlumat üçün qeyd edək ki, “Rosoboroneksport” 2011-2021-ci illər ərzində 35-dən çox ölkəyə ümumi dəyəri 20 milyard ABŞ dolları olan 850-dən artıq müxtəlif təyinatlı helikopter tədarük edib.
Bu sifarişçilərin sırasına Azərbaycan, Qazaxıstan, Pakistan, Türkmənistan, Özbəkistan, Argentina, Hindistan, Braziliya, Nigeriya və başqa ölkələr daxildir.
CATEGORIES Hava