PUSU silah sistemi əməliyyat meydanında ilk dəfə görüntülənib

“Roketsan” şirkətinin PUSU silah sistemi əməliyyat meydanında ilk dəfə Suriyada görüntülənib.

“Poliqon” “SavunmaSanayiST”ə istinadən xəbər verir ki,  CİRİT lazerlə idarə olunan raketlərini ata bilən PUSU pikap tipli avtomobilə quraşdırılıb.

Xatırladaq ki, “Roketsan” tərəfindən inkişaf etdirilmiş yeni silah sistemi olan PUSU ilk dəfə “SAHA EXPO-2024” sərgisində nümayiş etdirilib. Üzərində daşıdığı 4 ədəd “Cirit” lazerlə idarə olunan raketi ilə 8 kilometrə qədər məsafədə hədəfləri məhv edə bilən PUSU silah sistemi yüksək manevr qabiliyyəti və hərəkətliliyi ilə tank əleyhinə müdafiədə effektivdir.