
“Snayper həddi” müsabiqəsində növbəti çalışmalar icra olunub
“Beynəlxalq Ordu Oyunları-2022” yarışları çərçivəsində keçirilən “Snayper həddi” müsabiqəsində iştirak edən komandalar ikinci mərhələnin növbəti çalışmalarını yerinə yetiriblər.
Müdafiə Naziriliyinin mətbuat xidmətindən “Poliqon”a verilən məlumata görə, çalışmanın şərtlərinə uyğun olaraq snayper cütlükləri əvvəlcə 25 metrədək məsafədə yerləşən hədəflərə tapançadan, daha sonra 800 metr məsafədə yerləşən xüsusi hədəflərə snayper tüfənglərindən atəş açıblar.
İranın Yəzd şəhərində keçirilən müsabiqədə növbəti çalışma zamanı Azərbaycan hərbi qulluqçuları 200-300 metr məsafədə yerləşən üç hədəfi məhv edərək qarşıya qoyulan tapşırıqların öhdəsindən bacarıqla gəliblər.
CATEGORIES Xəbərlər