Türkiyə Quru Qoşunları yeni DZRK-lərin qəbulunu tamamlayıb

Türkiyə Quru Qoşunları Komandanlığı açıqlanmayan sayda daşınan zenit-raket kompleksi (DZRK) ilə zirehli təmir-təxliyə maşınının kvalifikasiya və qəbul fəaliyyətlərini tamamlayıb.

“Poliqon” xəbər verir ki, bu barədə Türkiyə Milli Müdafiə Nazirliyinin mətbuat və ictimaiyyətlə əlaqələr üzrə müşaviri kontr-admiral Zeki Aktürk qurumun həftəlik fəaliyyəti ilə bağlı keçirilən brifinq zamanı bildirib.

Kontr-admiral Z.Aktürk qeyd edib ki, yerli və milli təyyarə gəmisinə sahib olunması istiqamətində verilən qərarla Türkiyə Hərbi Dəniz Qüvvələri Komandanlığının Dizayn Layihə Ofisi tərəfindən sözügedən gəminin dizayn işlərinə başlanılıb.