Türkiyənin Milli Müdafiə naziri Yaşar Güler Bakıya gəlib

Avqustun 26-da Azərbaycan Respublikasının müdafiə naziri general-polkovnik Zakir Həsənov və nazirliyin digər rəhbər heyəti Türkiyə Respublikasının milli müdafiə naziri Yaşar Gülerin başçılıq etdiyi nümayəndə heyətini Heydər Əliyev Beynəlxalq Aeroportunda qarşılayıb.

Bu barədə “Poliqon” Müdafiə Nazirliyinin Mətbuat Xidmətinə istibadən məlumat verib.

Rəsmi səfər çərçivəsində iki ölkə arasında hərbi əməkdaşlığın müxtəlif aspektləri, regional təhlükəsizlik və qarşılıqlı maraq doğuran digər məsələlərin müzakirə edilməsi nəzərdə tutulub.