Ukrayna Rusiya Ordusunun itkilərini açıqlayıb

Ukrayna Müdafiə Nazirliyi döyüşlərdə Rusiya Silahlı Qüvvələrinin məhv edilən silah və texnikalarının, eləcə də hərbi qulluqçularının sayını açıqlayıb.

“Poliqon” Ukrayna Müdafiə Nazirliyinin mətbuat xidmətinə istinadən xəbər verir ki, fevralın 24-dən bu günədək Ukrayna Ordusu Rusiya Silahlı Qüvvələrinin 29 ədəd təyyarəsini, 29 ədəd helikopterini, 191 ədəd tankını, 816 zirehli texnikasını, 74 ədəd topunu, 291 ədəd hərbi avtomobilini, 3 ədəd pilotsuz uçuş aparatını, 1 ədəd “Buk” ZRK-sini, 5 ədəd hava hücumundan müdafiə sistemini, 21 ədəd “Qrad” yayılım atəşli reaktiv sistemini, 60 ədəd sistern və 2 ədəd gəmi/qayığını məhv edib.

Bildirilib ki, Rusiya Ordusunun 5300-dən çox hərbiçisi döyüş meydanında öldürülüb.

Rizvan Fikrətoğlu

Poliqon.az