VPK şirkəti 2000 ədəd “Tiqr” zirehli maşını tədarük edib
Rusiyanın “Hərbi Sənaye Kompleksi” (VPK) şirkətinə daxil olan Arzamas Maşınqayırma Zavodu bu günə qədər 2000-dən artıq “Tiqr” və ya GAZ-233114 indeksli zirehli maşınlarını yerli və xarici müştərilərə tədarük edib.
“AzeriDefence”nin məlumatına görə, bu barədə TASS xəbər agentliyinə “Hərbi Sənaye Kompleksi”nin baş direktoru Aleksandr Krasovitsky deyib.
“Arzamas Maşınqayırma Zavodu 2005-ci ildən “Tiqr” zirehli maşınlarının seriyalı istehsalına başlayıb. Bu günə qədər müxtəlif konfiqurasiyada 2000-dən çox nəqliyyat vasitəsi istehsal edilib, Rusiya və 16 xarici ölkəyə çatdırılıb”, – deyə şirkətin baş direktoru vurğulayıb.
Bildirilib ki, “Tiqr” zirehli maşın ailəsinə hazırda “Tiqr-M” çox məqsədli nəqliyyat vasitəsi, “Tiqr-M SpN” xüsusi təyinatlı nəqliyyat vasitəsi, “Tiqr” zirehli avtomobil şassisi və “Tiqr” xüsusi zirehli maşın daxildir.