Vyetnam nümayəndə heyəti KPE şirkətinin hərbi məhsulları ilə tanış olub

Vyetnam müdafiə nazirinin birinci müavini Mai Nqoc Tuanın başçılıq etdiyi nümayəndə heyəti Qazaxıstanda “Kazakhstan Paramount Engineering” (KPE) şirkətinin zavodunda olub.

“Poliqon” KPE-yə istinadən xəbər verir ki, nümayəndə heyəti zavodun istehsal gücü ilə tanış olub, zirehli texnikaların yığılması prosesini müşahidə ediblər.

Onlar zavodda şirkət istehsalı olan ALAN, ALAN 2, ARLAN, BARYS 6×6 və 8×8 zirehli nəqliyyat vasitələrinə, qüllə sistemlərinə baxış keçiriblər. Bundan başqa, KPE şirkətinin istehsal etdiyi müxtəlif çaplı artilleriya və minaatan mərmiləri də nümayəndə heyətinə təqdim olunub.