Yaponiya hərbi nəqliyyat vasitələrini Ukraynaya təhvil verib
Yaponiya Özünümüdafiə Qüvvələrinin inventarından 14 ədəd hərbi nəqliyyat vasitəsi Ukraynaya təhvil verilib.
“Poliqon” xəbər verir ki, bu barədə Yaponiyanın Ukraynadakı səfirliyi məlumat yayıb.
Qeyd edilib ki, 2024-cü ilin iyun ayına qədər Yaponiyanın Müdafiə Nazirliyi və Özünümüdafiə Qüvvələri Ukrayna hökumətinin müraciətinə cavab olaraq bu ölkəyə 101 ədəd texnika təhvil verib. 2024-cü ilin oktyabr ayında isə Yaponiya Özünümüdafiə Qüvvələrinə məxsus daha 30 ədəd nəqliyyat vasitəsinin Ukraynaya verilməsi barədə qərar qəbul edilib. Sonuncu partiyanın çatdırılması ilə sözügedən nəqliyyat vasitələrinin Ukraynaya tədarükü də tamamlanıb.