![Yaponiya hipersəsli silahlara PUA ilə cavab axtarır Yaponiya hipersəsli silahlara PUA ilə cavab axtarır](https://poliqon.az/wp-content/uploads/2021/08/hiper-raket.jpg)
Yaponiya hipersəsli silahlara PUA ilə cavab axtarır
Yaponiya təcili olaraq öz hava hücumundan müdafiə (HHM) sistemini pilotsuz uçuş aparatlarının xəbərdarlıq bütöv şəbəkəsi ilə gücləndirməyi düşünür.
“Poliqon” “Defence24″ə istinadən xəbər verir ki, vasitələrin ilk növbədə hipersəsli silahların gətirdiyi dəyişikliklər kontekstində həlledici əhəmiyyət kəsb edəcəyi ehtimal olunur.
Yaponiya Müdafiə Nazirliyi 5 Mach və ya daha da sürətlə uçan səsdən sürətli raketlərin erkən aşkarlanması üçün pilotsuz uçuş aparatlarının (PUA) potensialından istifadə etməyi düşünür. Rəsmi Tokio ilk növbədə qonşu ölkələrdə hipersəsli silahların inkişaf dinamikasından narahatdır. Bu səbəbdən də potensial təhdidlərin aşkar edilməsi sahəsində tez bir zamanda yeni həll yolları axtarmağa ehtiyac var. Mütəxəssislərin fikrincə, bu baxımdan adi radiolokasiya sistemləri yetərli olmaya bilər.
PUA-lar ara boşluğunu infraqırmızı sensorlarla təchiz edilmiş və potensial düşmənə daha yaxın işləyən platformalar kimi doldura bilərlər. Beləliklə, düşmən raketləri aşkar ediləcək. Əlbəttə ki, PUA-lar sahildə yerləşdirilən HHM sistemlərini tamamlayacaq. Beləliklə Yaponiya ətrafında havada uçan PUA-lardan ibarət erkən xəbərdarlıq kəməri yaradıla bilər.
Üstəlik, PUA-ların fəaliyyəti daha aşağı maliyyə xərcləri tələb edəcək və hər şeydən əvvəl hərbi qulluqçuları azad edəcək.
Qeyd edək ki, Yaponiya Müdafiə Nazirliyi, PUA platformalarından başqa, gəmilərdə də hipersəsli silah aşkarlama sistemlərinin quraşdırılması ilə bağlı araşdırma aparır. Bunlar, məsələn, gəmilərə quraşdırılacaq sistemlərlə yanaşı Yaponiya Özünümüdafiə Qüvvələri üçün əldə edilmiş RQ-4 “Global Hawk” strateji kəşfiyyat PUA-lar da ola bilər.
Son nəticədə, çoxşaxəli sistem quru, hava və dəniz platformalarını əhatə edəcək və Yaponiyanın casus peyklərinin qruplaşmalarından istifadə edərək kosmosdan təsirli müşahidə sistemi ilə gücləndiriləcəkdir.
Bununla yanaşı, Yaponiya öz hipersəs silahlarını da hazırlayır. Hələ keçən ilin əvvəllərində Yaponiya Müdafiə Nazirliyi hipersəsli silahlar sahəsində tədqiqat və inkişaf planını təqdim edib. İnkişaf iki əsas istiqamətdə aparılacaq: hipersəsli qanadlı raket (HCM – Hypersonic Cruising Missile) və hipersürətli süzən mərmi (HVGP – Hypervelocity Gliding Projectile). Bundan əlavə, layihənin yol xəritəsinə əsasən, yapon mütəxəssislər döyüş başlıqlarının müxtəlif formaları və bərk yanacaqlı raketlər üzərində də işləyəcəklər. Yaponiya Özünümüdafiə Qüvvələrinin 2030-cu illərin əvvəllərində yeni hipersəs silahlar alacağı gözlənilir.
Əhəd Əzizov