![Ali Baş Komandan Azərbaycan Ordusunun xidməti-döyüş fəaliyyətini yüksək qiymətləndirib Ali Baş Komandan Azərbaycan Ordusunun xidməti-döyüş fəaliyyətini yüksək qiymətləndirib](https://poliqon.az/wp-content/uploads/2021/12/prezident1.jpg)
Ali Baş Komandan Azərbaycan Ordusunun xidməti-döyüş fəaliyyətini yüksək qiymətləndirib
Silahlı Qüvvələrin Ali Baş Komandanı Azərbaycan Ordusunun xidməti-döyüş fəaliyyətini, eləcə də 2022-ci ildə Ermənistan silahlı qüvvələrinin törətdiyi təxribatlara cavab olaraq keçirilən əks-hücum əməliyyatlarını yüksək qiymətləndirib.
“Poliqon” xəbər verir ki, bunu Azərbaycanın Müdafiə naziri general-polkovnik Zakir Həsənov 2022-ci ilin yekunlarına dair Müdafiə Nazirliyinin Kollegiya iclasında deyib.
Ali Baş Komandan tərəfindən 2023-cü il üzrə Azərbaycan Ordusu qarşısında qoyulan tapşırıqları kollegiya iştirakçılarına çatdıran general-polkovnik Z.Həsənov şəxsi heyətin peşəkarlığı və qoşunların döyüş hazırlığına xüsusi diqqət yetirilməsinin, döyüş hazırlığının daha da yüksəldilməsinin, o cümlədən təlimlərin və səhra məşğələlərinin intensivliyinin artırılmasının əhəmiyyətini vurğulayıb.