![Belçika F-35-lər üçün ABŞ-dan aviasiya bombaları alır Belçika F-35-lər üçün ABŞ-dan aviasiya bombaları alır](https://poliqon.az/wp-content/uploads/2024/07/Belgium_to_purchase_115_Million_worth_of_US_GBU-53B_bombs_for_its_F-35_fighter_jets_925_001-f8c43d64.webp)
Belçika F-35-lər üçün ABŞ-dan aviasiya bombaları alır
ABŞ Dövlət Departamenti 115 milyon dollar dəyərindəki GBU-53/B “Small Diameter Bombs-Increment II” (SDB-II) aviasiya bombalarının Belçikaya satışını təsdiq edib.
“Poliqon” xəbər verir ki, bu barədə ABŞ-ın Müdafiə Təhlükəsizliyi Əməkdaşlıq Agentliyi (DSCA) məlumat yayıb.
Bildirilib ki, sifarişə 196 ədəd GBU-53/B SDB-II aviasiya bombasının və digər lazımi avadanlıqların satın alınması, eləcə də onlara təmir, texniki xidmət və logistika dəstəyinin göstərilməsi daxildir.
Sifarişin əsas podratçısı rolunda ABŞ-ın “RTX Corporation” şirkəti çıxış edəcək.
Qeyd edilib ki, bu satış Belçikanın F-35 qırıcılarını döyüşə hazır vəziyyətdə saxlamaqla ölkənin cari və gələcək təhdidlərə cavab vermək qabiliyyətini artıracaq.