“Boxer CRV” zirehli maşınlarının ilk partiyası sifarişçiyə çatdırılıb
Almaniyanın “Rheinmetall” şirkəti tərəfindən istehsal edilən 8×8 təkər formuluna malik “Boxer CRV” zirehli maşınların ilk 25 ədədi Avstraliya Ordusuna təhvil verilib.
“Poliqon” xəbər verir ki, bu barədə “Rheinmetall” şirkəti məlumat yayıb.
“LAND 400 Phase 2 Mounted Combat Reconnaissance Capability” layihəsi çərçivəsində “Rheinmetall” şirkəti tərəfindən Avstraliya Silahlı Qüvvələrinə 131 ədədi CRV (Combat Reconnaissance Vehicles) variantında olmaqla, ümumilikdə 211 ədəd “Boxer” 8×8 zirehli nəqliyyat vasitəsinin çatdırılması planlaşdırılıb.
Bununla bağlı şirkət və Avstraliya Ordusu arasında 2018-ci ildə dəyəri 5.2 milyard ABŞ dolları olan müqavilə imzalanıb.
Layihə çərçivəsində tədarük ediləcək “Boxer” transportyorları hazırda Avstraliyanın Silahlı Qüvvələrinin texnika parkında yer alan 257 ədəd ASLAV zirehli maşınlarını əvəzləyəcək.
