İsrailin “Rafael Advanced Defense Systems Ltd.” (“Rafael”) şirkəti yeni SUPER ICE uzaqmənzilli qanadlı raketini təqdim edib.
“Poliqon” “Rafael”ə istinadən xəbər verir ki, şirkətin qanadlı raketlərin hazırlanması sahəsində onilliklər ərzində topladığı təcrübə əsasında yaradılan SUPER ICE, ICE BREAKER raket ailəsinin imkanlarını genişləndirir.
Yeni raket 1000 funt (təxminən 454 kq) ağırlığında döyüş başlığı ilə təchiz olunub və hava, quru və dəniz platformalarından buraxıla bilir.
SUPER ICE yalnız daha yüksək zərbə gücü ilə fərqlənmir. Yeni raket ailənin özünü doğrultmuş texnoloji bazası əsasında hazırlanıb. O, mövcud buraxılış sistemləri, missiyaların planlaşdırılması vasitələri və logistika infrastrukturu ilə uyğunluğu qoruyub saxlayır. Bu isə istifadəçilərə daha geniş əməliyyat çevikliyi, daha çox imkan və mövcud resurslardan daha səmərəli istifadə bacarığı verir.
