Bundesver yeni “Leopard 2A8” tankları alır

Almaniya Silahlı Qüvvələri (Bundesver) 105 ədəd “Leopard 2A8” tankı alır.

Bu barədə “Poliqon” Almaniya Müdafiə Nazirliyinin mətbuat xidmətinə istinadən xəbər verib.

Bildirilib ki, cari ilin iyulun 3-də Almaniya Bundestaqının Büdcə Komitəsi 105 ədəd “Leopard 2A8” əsas döyüş tankının alınmasını təsdiqləyib. Daha sonra təxminən 2.9 milyard avro dəyərində olan tank sifarişi verilib.

Sifarişə əsasən, yeni “Leopard 2A8” tankları 2027-2030-cu illər arasında Bundesverə təhvil veriləcək və xidmətə girəcək.

Qeyd olunub ki, bu tanklar NATO-nun şərq cinahındakı Litvada yerləşən alman briqadası üçün xüsusi olaraq sifariş edilib.