General: HHM sahəsində süni intellektdən istifadə İranın əsas prioritetlərindəndir
İran pilotsuz uçuş aparatların (PUA) istehsalında əhəmiyyətli irəliləyiş əldə edib və indi yerli istehsal etdiyi müdafiə avadanlıqlarını başqa ölkələrə ixrac edə bilər.
“Poliqon”un “Fars” xəbər agentliyinə istinadən verdiyi məlumata görə, bunu İran Ordusunun Hava Hücumundan Müdafiə Qüvvələrinin komandanı briqada generalı Əlirza Səbahifərd açıqlayıb.
İranın regionda dominant hava hücumundan müdafiə (HHM) gücü olduğunu vurğulayan general bildirib ki, dünyanın ən yaxşı və qabaqcıl müdafiə texnikasına malikdirlər.
Ə. Səbahifərd qeyd edib ki, süni intellektdən istifadə İranın hava hücumundan müdafiə (HHM) bölmələrinin əsas prioritetlərindən biridir.