İran Rusiyanın S-300 zenit-raket kompleksinin bənzərini hazırlamağa başlayıb.
“AzeriDefence”nin İran mediasına istinadən verdiyi məlumata görə, bu barədə “Xatəm-ül-Ənbiya” hava hücumundan müdafiə bazasının komandanı, general Fərzad Esmayeli bildirib.
“Bavar-373” adlanan yeni zenit-raket sisteminin 2017-ci ilədək istifadəyə qəbulu planlaşdırılır.
Generalın sözlərinə görə, 2016-cı ilin mart ayınadək “Bavar-373” sisteminin sınaqlarının keçirilməsi gözlənilir.
General F. Esmayeli bildirib ki, İran versiyası S-300 ilə müqayisədə artırılmış mobilliyə, çevikliyə və digər xüsusiyyətlərinə görə Rusiya modelindən üstün olacaq.
