“Iveco” LMV-BR zirehli maşınların tədarükünə başlayıb
Braziliya Silahlı Qüvvələrinin sifarişi əsasında İtaliyanın “Iveco” şirkəti tərəfindən istehsal edilən LMV-BR yüngül ziehli çox məqsədli nəqliyyat vasitəsinin ilk partiyasının Orduya təhvil verilməsinə başlanıb.
“Poliqon” “Iveco” şirkətinə istinadən xəbər verir ki, ilk partiyada tədarük edilməsi planlaşdırılan 32 ədəd döyüş maşınından birincisi Silahlı Qüvvələrə çatdırılıb.
VBMT-LR (Viatura Blindada Multitarefa, Leve de Rodas) 4×4 layihəsi çərçivəsində Braziliya Müdafiə Nazirliyi ilə şirkət arasında 2019-cu ildə imzalanan müqaviləyə əsasən, qalan 31 ədəd LMV-BR 2022-ci ilə qədər Silahlı Qüvvələrə təhvil veriləcək.
Elşən Abdulkərimov
CATEGORIES Xəbərlər