Modernləşdirilən 2S7M “Malka” ÖAQ-lar Rusiya Ordusuna təhvil verilib
“Uralvaqonzavod” (UVZ) konsernin tərkibinə daxil olan “Uraltransmaş” müəssisəsi tərəfindən modernizasiya edilən 2S7M “Malka” özüyeriyən artilleriya qurğuları (ÖAQ) Rusiya Ordusuna təhvil verilib.
“Poliqon” “Rostex” Dövlət Korporasiyasının mətbuat xidmətinə istinadən xəbər verir ki, modernləşdirmə nəticəsində 2S7M “Malka” ÖAQ-ların ötürmə qutuları, bölüşdürmə mexanizmləri, enerji təchizatı aqreqatları, müşahidə, daxili rabitə sistemləri və radiostansiyaları yenilənib.
“Uraltransmaş”-ın baş direktoru Dmitri Semizorov bildirib ki, təkmilləşdirilən 2S7M “Malka”-nın gediş, manevr qabiliyyəti, çevikliyi və komanda idarəetmə imkanları artırılıb.
“Malka” 1980-ci illərdə illər yaradılmış 2S7 “Pion” ÖAQ-ın 1986-1987-ci illərdə müasirləşdirilmiş variantıdır. ÖAQ-ın əsas təyinatı cəbhənin dərinliyində düşmənə məxsus vacib hədəflərin məhv edilməsidir.