Müdafiə Nazirliyi Kəlbəcər sərhədində baş verən atışma barədə xəbəri təkzib edib

Azərbaycan Müdafiə Nazirliyi Kəlbəcər rayonu istiqamətindəki sərhəddə baş verən atışma barədə Ermənistan mətbuatının yaydığı xəbəri təkzib edib.

“Poliqon” xəbər verir ki, Müdafiə Nazirliyinin Mətbuat Xidmətinin rəisi polkovnik Vaqif Dərgahlı bildirib ki, sərhəddə vəziyyət sakitdir. Atəşkəsin pozulması halı qeydə alınmayıb.

“Ermənistan Müdafiə Nazirliyinin yaydığı xəbər bir daha bölgədəki vəziyyəti gərginləşdirməyə yönəlmiş bir təxribatdır”, – deyə polkovnik Vaqif Dərgahlı bildirib.