Pentaqon AK74 avtomatları alır
ABŞ Silahlı Qüvvələri Komandanlığı 5,45 mm çaplı AK-74 avtomatları alır.
“Poliqon” “sam.gov”a istinadən xəbər verir ki, avtomatların alınması üçün sifarişlər ABŞ hökuməti müqavilələrinin saytında yerləşdirilib, lakin ABŞ hərbiçilərinə bu tip silahın hansı məqsədlə lazım olduğu açıqlanmır.
Maraq Rumıniyanın md.86, Rusiyanın AK74 və Almaniyanın MPi AK74 avtomatlarına göstərilir. Eyni zamanda, Bolqarıstanın AR-SF və Polşa “Tantal” avtomatlarından imtina edilir.
Müqavilə bildirişində, ordunun ümumilikdə nə qədər Sovet istehsalı olan AK74 avtomatı almaq istədiyi barədə məlumat verilmir, ancaq ordunun silahın özü baxımından nə axtardığı barədə konkret məlumatlar verilir.
Bildirişdə eləcə də hər bir avtomat üçün standart aksessuarlar dəsti də qeyd olunub: dörd patron maqazini, bir təmizləmə dəsti, bir yağ qabı, bir daşıma qayışı və bir istifadəçi təlimatı.
Əhəd Əzizov