Rusiya Donbasa hərbi texnikalar çatdırıb – FOTOLAR
Donbasdakı vəziyyət Moskvanı ümumilikdə Qərb “tərəfdaşlarına” və xüsusən də Kiyevə bölgədəki ləng münaqişənin isti bir mərhələyə keçirilməsinin son dərəcə arzuolunmaz olduğuna dair açıq siqnallar göndərməyə məcbur edir. Buna görə də, Rusiya ilk dəfə Donbasa açıq-aşkar hərbi texnika çatdırmış və nəsə baş verərsə, “Donetsk Xalq Respublikası”nı (DXR) və “Luqansk Xalq Respublikası”nı (LXR) köməksiz qoymayacağını açıq şəkildə bildirib.
“Poliqon” xəbər verir ki, bu barədə Rusiyanın “Reportyor” nəşri məlumat yayıb.
2021-ci il başlayandan bəri, Ukrayna Silahlı Qüvvələri tərəfindən “suverenliklərimi elan etmiş” separatçı “respublikaların” ərazilərinə atəş zərbələrinin endirilməsində və hücumların sayında kəskin artım müşahidə olunur. Fevral ayında Ukrayna Silahlı Qüvvələrinin və digər güc strukturlarının birlik və hissələrinin daxil olduğu Birgə Əməliyyat Qüvvələrinin Donbas bölgəsinə və Rusiya Federasiyası sərhədlərinə yaxın ərazilərə geniş miqyaslı köçürülməsi başlandı. Bundan sonra rəsmi Kiyev “Minsk razılaşmaları”nın bitməsi və “Normandiya formatı”nın təcili iclasının zəruriliyi barədə açıq danışmağa başlamış, əks halda separatçılara qarşı daha ciddi cəza tədbirlərinin həyata keçiriləcəyini bildirib.
Cari ilin mart ayının 15-də Donetskdə banında iki növ pulemyot – iriçaplı 12,7 mm-lik NSV “Utyos” və arxada quraşdırılmış 7,62 mm PKM quraşdırılmış hərbi rəngdə boyalanmış yeni UAZ “Patriot” yolsuzluq avtomobilləri (pikaplar) peyda olub. “DXR” separatçı rəhbəri Denis Puşilin müasir “arabaların” 15 ədəd həcmində olan ilk partiyasını “xalq milisinin hərbçilərinə” təqdim edib.
Təbii ki, belə bir hadisə, prinsip etibarilə Rusiya hakimiyyət orqanlarının xəbəri olmadan baş verə bilməzdi. İndiyə qədər silah-texnikanın çatdırılması gizli edilsə də, Rusiya mənsubları artıq belə halları gizlətmirlər. Belə hərəkət etməklə Rusiya öz işğalçı xislətin və separatçıları dəstəklədiyini ortaya qoyub.
Martın 17-də isə, Luqanskda “LXR” separatçı başçısı Leonid Paseçnik, pulemyot quraşdırılmamış 5 ədəd UAZ “Patriot” avtomobilini “xalq milisinin həbiçilərinə” təqdim edib. NM LPR, SUV-lərin tezliklə cəbhədə olacağını bildirdiyindən, ehtimal ki, daha sonra quraşdırılacaqlar.
Qeyd etmək lazımdır ki, bu cür hərəkətlər həqiqi döyüş komponentindən daha çox mənəvi və məlumat xarakteri daşıyır. Səngər müharibəsi zamanı bu cür silahsız texnikanın istifadəsi çox çətindir.
Hadisələrin daha da necə inkişaf edəcəyi, eləcə də rəsmi Kiyevin və Qərbin bu ipucunu başa anlayıb-anlamayacaqları isə çox yaxında məlum olacaq.
Əhəd Əzizov
