Rusiya HDQ “Zirkon” hipersəs raketləri ilə atışlar yerinə yetirib
Rusiya Hərbi Dəniz Qüvvələrinə (HDQ) məxsus freqatlardan “Zirkon” hipersəs raketlərinin atışları yerinə yetirilib.
“Poliqon” Rusiya Müdafiə Nazirliyinə istinadən xəbər verir ki, raketlərin atışı Hərbi Dəniz Qüvvələri ilə Hava-Kosmik Qüvvələrinin Aralıq dənizinin şərq hissəsində həyata keçirdiyi birgə təlim zamanı baş tutub.
Bundan başqa, təlimdə “Novorossiysk” sualtı qayığından “Kalibr” qanadlı raketinin və Aralıq dənizi sahilində təyin olunmuş ərazidən “Bastion” sahil raket kompleksindən “Oniks” qanadlı raketinin də atışları həyata keçirilib.