![“Snayper həddi” beynəlxalq müsabiqəsi davam edir “Snayper həddi” beynəlxalq müsabiqəsi davam edir](https://poliqon.az/wp-content/uploads/2022/08/0fe2f2200c67ab32b3d96c38c8c336ab.jpg)
“Snayper həddi” beynəlxalq müsabiqəsi davam edir
İranın Yəzd şəhərində keçirilən “Snayper həddi” müsabiqəsi davam edir.
Müdafiə Nazirliyinin mətbuat xidmətindən “Poliqon”a verilən məlumata görə, avqustun 25-də müsabiqənin üçüncü mərhələsi üzrə tapşırıqlar yerinə yetirilib.
Mərhələnin ilk çalışmasının tələblərinə uyğun olaraq komanda şəklində fəaliyyət göstərən snayperlərimiz 300-600 metr məsafədə peyda olunan hədəfləri sərrast atəşlə məhv ediblər.
Növbəti çalışma zamanı birinci snayper cütlüyü 150-200 metr aralıqda olan hədəfə atəş açılması, eləcə də silahlarla 300 metrlik məsafənin qaçaraq dəf edilməsi tapşırıqlarını yerinə yetiriblər. Daha sonra ikinci snayper cütlüyü 300-600 metr məsafədə peyda olan xüsusi hədəfləri məhv etməkdə bacarıqlarını nümayiş etdiriblər.
Müsabiqə iştirakçıları qarşıya qoyulan tapşırıqları yerinə yetirir.