Türkiyə Quru Qoşunları “Nefer” qülləsi ilə silahlandırılan zirehli maşınların qəbulunu tamamlayıb

Türkiyənin Quru Qoşunları Komandanlığı “Nefer” qüllə sistemi ilə təchiz edilən zirehli nəqliyyat vasitələrinin kvalifikasiya və qəbul fəaliyyətlərini tamamlayıb.

“Poliqon” xəbər verir ki, bu barədə Türkiyə Milli Müdafiə Nazirliyinin mətbuat və ictimaiyyətlə əlaqələr üzrə müşaviri kontr-admiral Zeki Aktürk qurumun həftəlik fəaliyyəti ilə bağlı keçirilən brifinq zamanı bildirib.

Bundan başqa, Quru Qoşunları Komandanlığı tərəfindən DROPS yük maşınlarının və təlim helikopterlərinin də kvalifikasiya və qəbul fəaliyyətləri həyata keçirilib.