Ukrayna və Bolqarıstan birgə 160 mm-lik minaların yaradılmasını planlaşdırır
Ukraynanın “Ukroboronprom” Dövlət Konserninə daxil olan “Mayak zavodu” Bolqarıstanın “Arsenal JSCo” şirkəti ilə birlikdə 160 mm-lik minaların yaradılmasını və istehsalını həyata keçirməyi planlaşdırır.
“Poliqon”un məlumatına görə, bu minalar SSRİ istehsalı 160 mm-lik M-160 minaatanlarında tətbiq edilmək üçün təyin olunub.
Belə minaatanların bir qismi həm Ukraynada, həm də Şərqi Avropa ordularının anbarlarında saxlanmaqdadır.
Həmçinin, “Mayak zavodu”nun mütəxəssisləri gələcəkdə 160 mm-lik M-160 minaatanlarının təkmilləşdirilməsi və onlar üçün yeni döyüş sursatlarının istehsalı ilə bağlı konsepsiya hazırlayıb və bu da ayrı-ayrı Avropa istehsalçılarına, silah bazarı operatorlarına təqdim edilib.
Layihə çərçivəsində “Mayak zavodu” 160 mm-lik minaatan minasının yaradıcısı və istehsalçısı kimi çıxış edir.
Əhəd Əzizov
