Azərbaycanın yeni döyüş təyyarələri və PUA-larına ASELSAN-ın idarəetmə sistemləri inteqrasiya olunacaq

Azərbaycan Silahlı Qüvvələrinin yeni döyüş təyyarələri və PUA-larına ASELSAN şirkəti tərəfindən hazırlanan idarəetmə sistemləri inteqrasiya olunacaq.

Bu barədə “Poliqon” ASELSAN şirkətinə istinadən xəbər verib.

Bildirilib ki, Azərbaycan Müdafiə Nazirliyi ilə davam edən tərəfdaşlıq çərçivəsində ASELSAN-ın idarəetmə sistemləri Azərbaycan Ordusunun arsenalına daxil ediləcək, o cümlədən yeni döyüş təyyarələri və pilotsuz uçuş aparatlarına inteqrasiya olunacaq.

“Beləliklə, Azərbaycanın dəqiq zərbə imkanları əhəmiyyətli dərəcədə artırılacaq. Bu əməkdaşlıq iki ölkə arasında ortaq vision və texnoloji tərəqqiləri vurğulayır”, – deyə ASELSAN-ın məlumatında qeyd edilib.