FHN-in yanğın-xilasetmə qüvvələrinin dördüncü qrupu Türkiyəyə çatıb

Meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Fövqəladə Hallar Nazirliyinin (FHN) müvafiq yanğın-xilasetmə qüvvələrinin növbəti – dördüncü qrupu Türkiyəyə çatıb.

Fövqəladə Hallar Nazirliyinin mətbuat xidmətindən “Poliqon”a verilən məlumata görə, yanğın-xilasetmə qüvvələrinin dördüncü qrupunu gətirən təyyarə avqustun 7-də Bakı vaxtı ilə saat 01:10 radələrində Muğla Dalaman Hava Limanına enib.

Heydər Əliyev Beynəlxalq Aeroportundan təyyarə ilə yola düşən və fərdi yanğınsöndürmə vasitələri ilə təchiz olunmuş yanğın-xilasetmə qrupuna 200 nəfər daxildir.

Poliqon.az