![Hərbi xidməti başa vuran sərhədçi əsgərlər evlərinə yola salınıb Hərbi xidməti başa vuran sərhədçi əsgərlər evlərinə yola salınıb](https://poliqon.az/wp-content/uploads/2024/07/2_3519d696d5ed5e1f76ea536b38179d0f.jpg)
Hərbi xidməti başa vuran sərhədçi əsgərlər evlərinə yola salınıb
Dövlət Sərhəd Xidmətinin struktur qurumlarında və hərbi hissələrində Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin müvafiq sərəncamına əsasən müddətli həqiqi hərbi xidməti başa vuran hərbi quluqçuların ehtiyata buraxılması həyata keçirilir.
Dövlət Sərhəd Xidmətinin Mətbuat Mərkəzindən “Poliqon”a verilən məlumata görə, hərbi hissələrin Döyüş bayrağının sıra meydanına gətirilməsi ilə başlayan tədbirlərdə Dövlət Himni səsləndirilib, Ümummilli Lider Heydər Əliyevin və şəhidlərin əziz xatirəsi bir dəqiqəlik sükutla yad edilib.
Xidmətdə fərqlənmiş hərbi qulluqçular təltifləndirilərək onlara Vətənə şərəfli xidmətlərinə görə təşəkkür edilib, gələcəkdə cəmiyyətimizə layiqli vətəndaş olmaları arzulanıb.
Silahlı Qüvvələrin ehtiyatına buraxılan hərbi qulluqçular üçrəngli bayrağımızı öpüb, xidmət dövründə qazandıqları müsbət vərdiş və keyfiyyətlərə görə minnətdarlıqlarını bildiriblər.
Tədbirin sonunda sərhədçi əsgərlər hərbi orkestrin müşayiəti ilə təntənəli şəkildə yola salınıblar.