İtaliya HHQ əlavə “Eurofighter Typhoon” qırıcıları sifariş edib

İtaliya Hərbi Hava Qüvvələri (HHQ) əlavə 24 ədəd “Eurofighter Typhoon” döyüş təyyarəsi sifariş edib.

“Poliqon” “Eurofighter” saytına istinadən xəbər verir ki, təyyarələrin tədarükü üçün İtaliya Hərbi Hava Qüvvələri Almaniyanın Münhen şəhərində yerləşən NATO Eurofighter və Tornado İdarəetmə Agentliyi (NETMA) ilə müqavilə imzalayıb.

Müqaviləyə əsasən, yeni “Eurofighter Typhoon” təyyarələri hazırda İtaliya HHQ-nin xidmətində olan “Eurofighter Typhoon”ların Tranche 1 versiyalarını əvəz edəcək.