Qətər FS-LIDS HHM komplekslərini sifariş verib

Qətər FS-LIDS HHM komplekslərini sifariş verib

Qətər aviasiya aparatları ilə mübarizə aparmaq üçün ABŞ-dan FS-LIDS hava hücumundan müdafiə (HHM) kompleksləri alacaq.

“Poliqon” xəbər verir ki, bununla bağlı ABŞ-ın Müdafiə Təhlükəsizliyi Əməkdaşlıq Agentliyi (Defense Security Cooperation Agency – DSCA) məlumat yayıb.

Məlumatda bildirlib ki, on dəst yeni yerüstü kompleks ilk növbədə pilotsuz uçuş aparatları (PUA) ilə mübarizə üçün təyin ediləcək.

Qeyd edək ki, FS-LIDS (Fixed Site-Low, Slow, Small Unmanned Aircraft System Integrated Defeat System) “Northrop Grumman” şirkəti ilə birlikdə “Raytheon” korporasiyası tərəfindən istehsal olunur.

FS-LIDS komplekslərinin tərkibinə aşağıdakılar daxildir:

  • 200 ədəd Coyote Block 2 tutucu döyüş sursatı və onları buraxma qurğuları;
  • CUAEWS (Counter Unmanned Electronic Warfare System – İnsansız Elektron Müharibəyə Qarşı Mübarizə Sistemi) PUA-ların radioelektron susdurulması sistemi;
  • çoxfunksiyalı radiolokasiya stansiyası;
  • FAAD C2 idarəetmə sistemi (Forward Area Air Defense Command and Control – Ön Rayon Hava Hücumundan Müdafiə Komandanlığı və İdarəetməsi);
  • PUA aşkarlama elektron-optik stansiyaları və digər avadanlıqlar.
  • Bildirilir ki, FS-LIDS kompleksləri stasionar konteyner variantında hazırlanacaq.

Bu sövdələşmə ilə Qətər 2018-ci ildən ABŞ-da Howler C-UAS adı altında istifadə edilən FS-LIDS kompleksinin ilk bilinən xarici müştərisi olub. Təlim, müvafiq avadanlıq və texniki dəstək daxil olmaqla təxmin edilən tədarükün ümumi dəyəri 1 milyard ABŞ dolları təşkil edəcək.

FS-LIDS kompleksi özündə KuMRFS çoxfunksiyalı radiolokasiya stansiyasının və kiçik PUA-ları aşkar etmək üçün istifadə olunan elektron-optik stansiyanın birləşməsini tərənnüm edir. Kompleksə, həmçinin Coyote Block 2 tutucu döyüş sursatlarının çox atımlı buraxma qurğusu daxildir.

“Raytheon” korporasiyasının Coyote Block 2 tutucu döyüş sursatı, bərk yanacaqla start gücləndiricisi və miniatür qısa mənzilli turboreaktiv mühərriklə təchiz edilmiş, mahiyyətcə kiçik, ucuz, aşağı sürətli səsəqədər zenit raketidir.

Xatırladaq ki, 2018-ci ildə Qətər Norveç-ABŞ istehsalı olan NASAMS zenit-raket kompleksləri ilə maraqlanmağa başlayıb.

Əhəd Əzizov

Poliqon.az

CATEGORIES
TAGS