Slovakiya ABŞ-dan hücum helikopterləri alır

ABŞ Dövlət Departamenti 600 milyon dollar dəyərindəki AH-1Z hücum helikopterlərinin Slovakiyaya satışını təsdiqləyib.

“Poliqon” xəbər verir ki, bu barədə ABŞ-ın Müdafiə Təhlükəsizliyi Əməkdaşlıq Agentliyi (DSCA) məlumat yayıb.

Bildirilib ki, sifarişə 12 ədəd AH-1Z helikopterinin, 1680 ədəd APKWS lazer tuşalama dəstinin və digər lazımi avadanlıqların satın alınması, eləcə də onlara təmir, texniki xidmət və logistika dəstəyinin göstərilməsi daxildir.

Sifarişin əsas podratçısı rolunda ABŞ-ın “Bell Textron” və “General Electric” şirkətləri çıxış edəcək.

Qeyd edilib ki, bu satış Slovakiya Hərbi Hava Qüvvələrininin hərbi helikopter ehtiyacını ödəməklə ölkənin cari və gələcək təhdidlərə cavab vermək qabiliyyətini artıracaq.