Ukrayna Silahlı Qüvvələrinə əlavə “Marder” PDM-ləri təhvil verilib
Almaniyanın “Rheinmetall” şirkəti Ukrayna Silahlı Qüvvələrinə əlavə 20 ədəd “Marder” piyada döyüş maşını (PDM) təhvil verib.
“Poliqon” “Rheinmetall”a istinadən xəbər verir ki, şirkət tərəfindən sözügedən çatdırılma 2024-cü ilin üçüncü rübünün sonunda tamamlanıb.
Bildirilib ki, “Rheinmetall” tərəfindən Ukraynaya çatdırılan “Marder 1A3” PDM-ləri hədəfləri effektiv və dəqiq nişan alaraq vurmaq üçün əlavə lazer məsafəölçənləri ilə təchiz olunub.