Venesuela İrandan “Peykaap” sürətli hücum katerlərini təhvil alıb

Venesuela Silahlı Qüvvələri İran istehsalı olan “Peykaap” sürətli hücum katerlərini təhvil alıb.

“Poliqon” xəbər verir ki, bu barədə sosial şəbəkələrdə fotogörüntülər yayılıb.

Bildirilib ki, Venesuela Silahlı Qüvvələrinə tədarük edilən katerlər “Peykaap III” sinifinə aiddir.

İran Hərbi Dəniz Qüvvələrinin donanmasında da yer alan “Peykaap” sürətli hücum katerinin uzunluğu 17 metrdir. Kater yüngül gəmi əleyhinə torpedalar, iri çaplı pulemyotlar, “Kowsar” və “Nasr-1” gəmi əleyhinə rəketləri ilə silahlandırıla bilər.