Zakir Həsənov “MSPO – 2017” sərgisində iştirak edir – FOTO

Polşa Respublikasında səfərdə olan müdafiə naziri, general-polkovnik Zakir Həsənov Kielce şəhərində keçirilən “MSPO – 2017” beynəlxalq müdafiə sənayesi sərgisində iştirak edib.

Bu barədə “AzeriDefence”yə Müdafiə Nazirliyinin mətbuat xidmətindən məlumat verilib.

Azərbaycan nümayəndə heyəti sərgidə nümayiş etdirilən hərbi və müdafiə təyinatlı məhsullara baxış keçirib, müxtəlif ölkələrin müdafiə sənayesi şirkətlərinin silah, texnika və hərbi avadanlıq istehsalı sahəsində əldə etdikləri nailiyyətlərlə tanış olub.